Утрово во 04 часот, членовите на фолклорната група КУД „Негорци“ од Негорци заминаа на пат до Италија каде ќе земат учество на 22-то издание на Интернационалниот фолклорен фестивал „Карпиноне“.
Фестивалот се одржува од 11 до 12 август во местото Молизе. Пред настапот имаат дефиле, фолклорни сценски проби и, се разбира, незаборавен настап со кој ќе ги соберат сите аплаузи.
На фестивалот единствен претставник од Македонија се нашите фолклористи од Негорци, Гевгелија. Освен нив фолклорот од светот ќе го претставуваат и фолклорни групи од Костарика, Индија, Кенија, Венецуела и домаќините од Италија.
Нашиот состав македонски изведувачи од Негорци го сочинуваат 27 играорци на возраст од 15 до 18 години, уметничкиот директор Џоко Јованов, а патуваат со придружба на доктор, преведувач и двајца возачи.
Во тек се подготовките за XXII издание на Меѓународниот фолклорен фестивал Карпиноне, учесниците патуваат и пристигнуваат, па се очекува како и секоја година, на 11 и 12 август фестивалот да го оживее малото место Молизе со звуци, ритми и бои од целиот свет.
Oрганизатор на фестивалот е „Gruppo Folk Ru Maccature“.
Среќен пат на нашите културни амбасадори, среќно на сцената и зачукајте со тапаните да се чуе за Македонија!
