Миравци и ова лето живееше со фудбалот и спортот, благодарение на одржувањето на турнирот во мал фудба, 35-ти по ред, јубилеен и традиционален „КМФ Миравци 2024“.
Синоќа на големото финале се одиграа два натпревари кои завршија со резултат:
Мало финале: „Шулц“ Росоман – Марјан Ринго 1:2
Големо финале: КБ „Проект“ Јосифово – „Црна Река“ 3:2
ПОБЕДНИК на турнирот е Кафе бар „ПРОЕКТ“ од Јосифово. Тие го добија победничкиот пехар, наградата од 120.000 денари и Диплома за учество и освоениот турнир 2024. Наградата и пехарот ги додели Сашко Стојилов од името на Општина Гевгелија која го помага турнирот преку Програмата за спорт на општината за оваа година.
Второто место и парична награда од 70.000 денари освои „Црна Река“ – Возарци. Оваа награда на претставник од екипата ја додели Златка Ѓорова, претставник на „Ескејп травел агенцијата“, покровител на турнирот и најголем поддржувач сите овие години.
Трето место и’ припадна на екипата „Марјан Ринго“ – Брајковци кои ја победија екипата на „Шулц“ – Росоман со 2:1. Носителот на ТРЕТО место доби диплома и парична награда од 30.000 денари, а четвртопласираната екипа освен Дипломата и малиот пехар се стекна и со парична награда од 10.000 денари. Наградата за трето место ја додели Патар Јованов, претседател на СД „КМФ Проект“, инаку носители на трофејот на Македонија во футсал.
Носителот на четврто место на турнирот наградата ја прими од Ѓорге Андонов.
Добрата игра секогаш беше магнет за аплаузи од публиката, а најуспешните поединци кои се истакнаа на теренот освен од публиката присутна на финалето, беше наградена и од страна на организаторот со диплома и пехар..
Индивидуални награди на КМФ Миравци 2024 заслужено ги добија:
Најдобар голман: Антонио Петровски („Проект“)
Најдобар стрелец: Тале Трајков („Проект“)
Најдобар играч: Андреј Јаневски („Црна Река“).
За прв пат годинава беа доделени и екипни признанија за истакнати тимови-учесници на турнирот.
Екипни признанија на КМФ Миравци 2024:
Почесна екипа на турнирот: „Мики Џа“ – Гевгелија
Фер-плеј екипа на турнирот: „Милан Транспорт“ Росоман.
Им честитаме на сите добитници на награди и признанија, носители на пехари, поединечни и екипни признанија. Громогласниот аплауз од 2.000-та публика присутна на финалето и насмевките од фотографиите на добитниците на награди се доволен доказ дека учеството на турнирот било успешно, а спортските минути на теренот ги исполниле летните ноќи во Миравци.
Ова е претставување на екипите пред големото финале на турнирот во Миравци:
- „Тимот на КМФ- Миравци им благодари на сите посетители на турнирот КМФ 2024. Благодарност до сите подржувачи и помагатели кој не подржуваат во овие години Миравци да е (живо место) исполнето со спортски дух, сплотеност, пријателство“ – изјавија од организациониот тим упатувајќи „Спортски поздрав до сите!“
Честитки за организацијата, за наградите, за негувањето на спортот, за спортско Миравци!
Догодина повеќе, побогато и попосетено!
