Жител на Негорци пријавил физичко насилство, дело кое е казново по КЗ.
Случајот е регистриран во Полициска станица Гевгелија, вчера, 10 август. Во полицискиот билтен стои наведено дека:
„На 10.08.2024 година во 02:20 часот во Полициската станица Гевгелија, С.А.(21) од село Негорци, гевгелиско, пријавил дека во 01:45 часот пред продажно место во Гевгелија бил физички нападнат од едно лице.
Се преземаат мерки за расчистување на случајот“ – стои во билтенот на МВР.
Инаку, за само 24 часа на територијата на СВР Струмица, каде по надлежност припаѓа и ОВР Гевгелија, регистрирани се 4 (четири) случаи на физичко насилство. Три од нив се на територијата на општина Струмица, едно во надлежност на ОВР Гевгелија.
Денеска (11.08.) во 00:15 часот во СВР Струмица, Б.М.(20) од село Василево, струмичко, пријавил дека вчера околу 23:20 часот на паркинг простор во Струмица бил физички нападнат од Ј.Т.(28) од село Баница, струмичко.
Вчера, на 10.08.2024 година во 10:00 часот во СВР Струмица, Д.А.(25) од село Дедино, радовишко, пријавил дека околу 09:00 часот во Струмица, додека управувал товарно возило „Рено“ со струмички регистарски ознаки, по претходна сообраќајна незгода, возачот од другот возило – комбе, физички го нападнал Д.А., употребуваќи тврд предмет, а потоа со остар предмет го оштетил неговото товарно возило инаку во сопственост на правен субјект. Се преземаат мерки за расчистување на случајот.
Уште еден сообраќаен инцидент кој резултрал и со физички напад регистриран во СВР Струмица.
Вчера, на 10.08.2024 година во 09:40 часот во СВР Струмица, З.М.(31) од Струмица пријавила дека околу 09:15 часот на крстосница од регионален пат кон Струмица, додека се движела со своето патничко возило „Фолкваген пасат“, едно лице кое управувало патничко возило “Фолксваген голф“ со велешки регистарски ознаки се обидел да ја отвори нејзината возачка врата, а со тоа ја загрозил нејзината сигурност и сигурноста на нејзините две малолетни деца.
За сите четири случаи надлежните преземаат мерки за расчистување на истите, по што ќе следуваат соодветни пријави.
