Успешна фолклорна и културна турнеја на нашите играорци од гевгелиско Негорци во Италија на Интернационален фолклорен фестивал „Карпиноне“ што се одржуваа 22-ра година по ред во градот Молизе.
- “Со самата покана која ненадејно стигна до нас си зедовме за цел да ја претставиме нашата Македонија во најдобро светло преку македонски песни и ора”- велат играорците на КУД”Негорци” од Негорци, кои се на еднонеделна фолклорна турнеја со настапи и ора низ Италија.
Тие беа поканети да учествуваат на 22 Меѓународен фолклорен фестивал „Карпиноне“ (Исернија) што се одржува во градот Молизе во Италија.
Со нивниот седум дневен престој во Италија фолклористите од КУД „Негорци“ имаа вкупно пет (вкупно 5) успешни настапи кои беа посетени од околу 10.000 публика која ги наградуваше со аплаузи и успеаја да ја воодушеват публиката со македонскиот тапан кој ечеше низ улиците во секое место каде што настапуваа.
Се пееа песните „Македонско девојче“ и „Бисер Балкански“ кои се слушаа на парадите низ местата каде што настапуваше КУД „Негорци“.
Покрај Македонија, учествуваа и државите: Венецуела, Коста Рика, Индија, Кенија и повеќе групи од Италија. Фестивалот се одржува од 11 до 12 август во местото Молизе. Oрганизатор на фестивалот е „Gruppo Folk Ru Maccature“.
КУД „Негорци“ од гевгелиско Негорци е единствен претставник од Македонија на овој традиционален интернационален фолклорен фестивал во Молизе, Италија.
Претставувањето на играорците и македонската фолклорна култура беше овековечено преку изведбата на ората: „Мариовско“, „Копачка“, игри од Малешевијата, „Копачија“, „Водарки“ и Егејски ора.
Секој настап започнуваше со пеење на химните на сите држави, вклучувајки ја и македонската која нашите играорци гордо ја испочитуваа.
Слободното време го исполнуваа со проби за предстојните настапи во прудружба на оркестар. Го посетија градот Наполи и помали околни места во регионот, а попатно е планирана посета на Рим и Венеција.
Домаќините и локалната публика изненадени од ноќните серенади кои ги приредија инструменталистите од КУД „Негорци“ – претставувајќи ги старите обичаи во минатото кога со песна се искажувала симпатијата кон некоја девојка и се барала нејзина потврда со прифаќањето на песната и излегувањето на прозор, или балкон. Ете, таква песнопејна убавина се разлеа низ улиците на градот домаќин, Молизе.
Нашите амбасадори на културата од Македонија и македонскиот фолклор, КУД „Негорци“ од Гевгелија добија посебно признание од организаторот на Фестивалот во Италија.
Честитки! Нека Ви се множат наградите, настапите, достигнувањата и желбата со песна и ора да ја плените и културно збогатувате нашата и светска публика!
