Две македонски ракометарки се стекнаа со награда од Ракометната Федерација на Малта – Драгица Митрова од Гевгелија е МВП на сезоната на Малта, Петковска од Куманово е најдобар пивот
Ракометната федерација на Малта на гала свеченост ги прогласи најдобрите ракометари и ракометарки за минатата сезона.
Двете македонски интернационалки Драгица Митрова од Гевгелија и Бети Петковска од Куманово, сега ракометарки во Малта, беа прогласени за состав на идеалниот тим во женска конкуренција.
Поранешната репрезентативка Митрова, беше прогласена за најдобар среден бек и за најкорисна ракометарка на првенството за минатата сезона, односно МВП, јавува 24ракомет.
Таа е членка на тимот на „Феникс“, кој направи историски резултат и успеа да мине едно коло во Европскиот Куп.
Петковска, која е членка на „Ла Сал“, беше избрана од федерацијата на Малта за најдобар кружен напаѓач.
Гевгелија ја памети својата миленичка на ракометните терени, девојката која успеа со спортот да стане член најпрво на кадетската, а потоа и на сенирската репрезентација на Македонија во ракомет, Драгица Митрова, сега ракометарка во интернационален тим во Малта. Игра ракомет од својата 12та година, најпрво како членка на ЖРК „Гевгелија“, па продолжува една сезона во „Амбалажа Кабран“ од Кавадарци, и уште 7-8 езони во „Металург“ Скопје, а потоа преминува во интернационалните води со ракометот.
Нејзината спремност на теренот не продолжува да реди успеси и во Малта каде продолжи активно со ракометот и како играч, и како тренер на млади категории
Минатата година GevgelijaNet направи интервју со оваа наша ракометна интернационалка.
Интервју со Драгица Митрова – прва кадетска и сениорска репрезентативка од Гевгелија
