Три ЗЛАТНИ, две СРЕБРЕНИ, еден БРОНЗЕН медал и ПЕХАР се наградите кои ги освоија учениците од „Угостителско-туристичка струка“ при СОУ „Јосиф Јосифовски“ од Гевгелија на одржаниот меѓународниот натпревар за млади угостители „Tasty”.
Носители на наградите за готварство и миксологија, гранки на угостителските вештини кои ги изучуваат нашите средношколци во Гевгелија се:
1. Мартина Стојанова -🥇Златен медал во категорија миксологија
2. Ружица Милошевиќ – 🥇Златен медал во категорија миксологија
3. Викторија Кирова – 🥇Златен медал во категорија готварство;
4. Сара Андонова – Пехар 🏆 за освоено Второ место во категорија готварство
5. Фросина Спасеска – 🥈Сребрен медал во категорија миксологија
6. Филип Петков – 🥈Сребрен медал во категорија миксологија и
7. Филип Петков – 🥉Бронзен медал во категорија готварство.
Филип Петков е носител на две медали, а заедно тимот на СОУ „Јосиф Јосифовски“ дома се врати со 7 дипломи, 6 медали и еден пехар за своето покажано знаење на меѓународниот натпревар „Tasty”.
Натпреварот се состоеше од два дела. Првиот дел беа теоретски предавања во врска со гастрономијата, миксологијата, менаџерството и психологијата на гостите. После предавањата од искусните шефови, угостителско-туристички работници и професори следуваше тестирање на знаењата на учесниците, со што официјално почна натпреварувањето.
Вториот дел се состоеше од практично покажување на вештини и знаења од областа на гастрономијата и миксологијата.
Нашите ученици под менторство на професорките Марина Калкова и Ангела Бизоев постигнаа одлични резултати.
Вака се гради имиџот за туристичко-угостителски град Гевгелија, со обучен кадар за гастрономско уживање на сите посетители, добронамерници на југот.
Меѓународниот натпревар „Tasty” се одржа на 29-ти и 30-ти септември во Струмица.
