Хрватски граѓани бараат од локалната власт во Сплит да постави спомен плоча пред општинската зграда во чест на кавадарчанецот Сашко Гешовски, кој беше првата жртва од Македонија во воениот конфликт во 1991 година во СФРЈ.
Откако Комисијата за имиња на улици, плоштади и споменици на Град Сплит го прифати предлогот за поставување на спомен плоча на војникот од ЈНА, Сашко Гешовски, реакциите на таа одлука не стивнуваат. Во многубројните, и позитивни и негативни, се издвојува реакцијата на мажот, без кој ништо од ова немаше да се случи. Неговото име е Марко Гај и тој е лицето кое во 2019 година поднесе барање до Градската комисија за поставување споменик на Сашко Гешовски.
За одлуката на Комисијата, која допрва треба да ја потврди Градскиот совет, тој за Слободна Далмација вели: – „Ме радува што Комисијата го усвои предлогот за поставување спомен плоча пред се’ поради родителите на Сашко Гешовски кои се уште се живи. Случајно годинава, на годишнината од смртта на Сашко, во родното Кавадарци во Македонија, изградија фонтана посветена на неговиот спомен, која се наоѓа на плоштадот што го носи неговото име“ – рече Марко Гај и додаде:
– „Многу луѓе загинаа во таа несреќна војна што следеше набргу по смртта на Сашко. Вклучувајќи ги и цивилите кои немаа оружје во рацете, или носеа униформа. На сите треба да им се оддаде почит и почит. Како спличанец, сакав да го направам ова за Сашко, кој е невина жртва, бидејќи тој почина во градот каде што живеам“.
За сите овие години, на годишнината од протестот пред Бановина, никој не го спомна Сашко Гешовски, кој тој ден невин загина. Не сакам повторно да навлегувам во шпекулациите кои се појавија, дали куршумот што го уби Македонецот дошол од страната на ЈНА или од страната на демонстрантите. Она што е важно е дека е изгубен невин живот“, вели Марко Гај, а преесува весникот „Слободна Далмација“.
Сашко е убиен во Сплит 6 мај 1991 година, на ден Ѓурговден. Тогаш беше припадник на ЈНА, војник од Кавадарци, Македонија, кој беше на редовно отслужување на воениот рок во тогашна Југословенска Народна Армија. Убиен е со куршум од стрелачко наоружување пред зградата на Командата на Военопоморската област (ВПО). Ни до денеска не е утврдено кој го испукал смртоносниот куршум.
Гешовски е првата жртва, после која следуваа воените конфликти во југословенските републики.
