По повод Петковден, денот посветен на Св.Петка, заштитничката на село Прдејци, гевгелиско, денеска попладне покрај црковни одбележувања се одржаа и пригодни спортски настани во организација на Месната заедница која е севкупен организатор на празничните одбележувања во с.Прдејци..
Традиционално во пресрет на Петковден жителите на Прдејци ги дочекуваат своите комшии и пријатели од с.Негорци и овде на терените се одигрува пријателски фудбалски натпрвар помеѓу екипите на двете населени места.
Спорткиот ден беше исполнет и со други дисциплини, тегнење јаже, кој е посилен, поиздржлив, поинаетчија да не попушти од својот терен.
И во двете дисциплини победникот не го дознавме, ама после натпреварите имаа заедничко дружење гостите со домаќините и насмевките кажуваа дека сите се задоволни.
Средбата се одржа во Младинскит дом во Прдејци каде друштво им правеа и старите фотографии од некогашните празнични одбележувања во Прдејци, стариот фудбалски состав, женски пејачки групи, русалиите од с.Прдејци и други сценски настапи на музичари и изведувачи, зошто културната програма ја изведуваат домаќините и гости изведувачи.
Празничната културна програма по повод Петковден продолжува и утре вечер со настап на Фолклорната група „Браќа Толеви“ со почеток во 17 часот во Младинскиот дом. На сцената свое време за настап ќе имат и музичари и пејачи од локалната средина. Програмата ќе ја започнат најмалите од детската градинка во Прдејци со свои подготвени песнички, игри и рецитации.
Сите добронамерни гости е добредојдени на заедничка селска слава.
Видеото е дел од вечерашната претпразнична дружба на Негорчани со домаќините од Прдејци.
Да сте живи и здрави домаќини, да си ја славите селската слава до века!
Насловно фото: Фудбалскиот тим на с.Прдејци
