Тектонско движење со јачина од 5,3 степени според Европската макросеизмичка скала беше почувствувано попладнево во Гевгелија во 19:03 часот по локално време, (18:03 по наше време во Македонија). Ова беше првиот удар кој го почувствуваа и жителите на Солун, Грција, но и во југот од Македонија.
Земјотресот е регистриран и од сеизмолошката опсерватрија при Природно матенатичкиот факултет во Скопје со Рихтерова локална магнитуда ML5.1 и е почувствуван од населението во Гевгелија и Струмица со интензитет од III – IV степени според Европската макросеизмичка скала
Вториот удар на ова движење на земјината површина беше почувствуван во 19:06 по локално време (грчко време) со јачина од 3,8 степени според Европската макросеизмичка скала. Епицентарот бил на длабочина од 12,9 километри длабочина под земјата.
Местото на епицентарот е Грција на 59 километри Југоисточно од Солун и 10 километри.југо-југозападно од Неа Модуња.
Првиот потрес проследен со уште шест последователни на минута разлика го почувствуваа гевгеличани кои веќе реагираат на социјалните мрежи.
Следуваа нови тектонски удари во 18:12 часот, во 18:14 и 18:15 часот со јачина од 2,7 степени, првите два и од 2,3 степени, третиот, според Европската макросеизмичка скала. Ова беше последниот од низата од пет последователни земјотреси вечерва кои потекнуваат од исто епицентрално подрачје во Грција, во временски распон од 9 минути.
Сите потреси се со локација во Грција на 40,13 Северна географска ширина и 23,25 Источна географска должина.
Епицентарот е на 63 километри југоисточно од Солун, односно 13 километри јужно од Неа Модуња.
Ова тектонско движење го почувствуваа и жителите на Гевгелија од причина што беше само со 5 километри длабочина, а тектонската плоча на Гевгелија лежи на тектонската плоча на Балканот.
Следуваше ново тектонско придвижување во 18:38 часот по македонско време. Јачината на ударот изнесуваше 2,1 степен. Ова беше шестиот по ред земјотрес во истото епицентрално подрачје во Грција, во период од половина час.
Мапата ја покажува близината на епицентарот на земјотресот до Македонија и сензитивноста на жителите од југот кои ги почувствуваа потресите на земјата.
