Атлетичарот Митко Попов од Богданци, член на Атлетскиот клуб „7 Ноември“ од Гевгелија вчера истрча маратонска трка од 42,55 километри во Истанбул.
Спортскиот настан беше 46-ти по ред Истанбулски маратон, кој е единствениот интерконтинентален маратон во светот и Светската атлетска елитна друмска трка. На истиот учествуваат десетици илјади Истанбулци и атлетичари од светот кои се собираат секоја година на овој фасцинантен спортски настан кој започнува над Босфорот.
Времето на пристигнување на целта на Митко беше 4:06:41 часа.
Ова беше за 24 минути подолго време од неговото минатогодишно постигнато време на маратонот во Торонто Канада каде до целта оствари извонреден резултат од 3:42:59 часа.
Уличната трка во Истанбул е со елитна етикета од светската атлетика. Маратонот во Истанбул започнува на азиската страна на градот, го минува мостот преку Босфорскиот теснец што ги дели двата континента и завршува на европската страна во античкиот римски хиподром, една од најстарите тркачки патеки во светот. Служејќи како главен град на трите империи – Римската, Византиската и Отоманската – скоро 1600 години, Истанбул има повеќе историски споменици, како и прекрасна урбана убавина што им ја понуди на учесниците на маратонската на патекат.
Ова е Митко кој го покажува своето име на илјадниците испишани на плакатот за учество на Истанбулскиот маратон 2024.
