Победничкиот празник на Гевгелија децата го прославија со победнички трки на „November Run“

Најмалите спортски сили на Гевгелија од неколку месеци до 13 годишна возраст настапија на детките трки до 1 километар во саботата, и со својата полетност, раздраганост и елан покажаа невидена радост како што му доликува на победоносниот ден на Гевгелија, 7 ноември и смислата и целта на овој настан преку спортот да се слави полетноста и слободата.

Децата истрчаа рекордно лесно и брзо траса од 1 километар низ Гевгелија.
“November Run” и зближува и спортски поттикнува и радува со резултатите.

Related posts

ЈОВАН МАНДАЛОВ – најмалиот планинар од Гевгелија се искачи на врвот Панаѓур 1669 мнв

декември 10, 2024

ЖРК „Југ“ ветерани одигра ревијален натпревар со ЖРК „Куманово“

декември 9, 2024

Првите победници од Атлетски клуб „7 Ноември“ на денешната детска трка од 1 километар од спортскиот настан „November Run Gevgelija 2024“:
1. Антонио Каракабаков – ПРВО место- време 3:21 минути
2. Максим Ангов – ВТОРО место – време 3:30 мин
3. Петров Ѓорги – ТРЕТО место – време 3:38
Антонио е повеќекратен освојувач на подиуми во боите на АК „7 Ноември“, а Максим иако помал една година му е зад петици и за 9 секунди зад него му прави друштво на подиумот освојувајќи пехар, исто во боите на гевгелискиот атлетски клуб.
БРАВО деца!!!

Двојно освоен подиум на детската трка „November Run 2024“ од девојчињата членки на АК „7 Ноември“ Гевгелија, во категорија возраст од 9 до 10 години:
1. Станојеска Илина – ПРВО место – време 4:00 минути
2. Бегова Ана – ВТОРО место – време – 4:11 мин.
3. Алексовска Каја – ТРЕТО место – 4:12 мин.
4. Семенакова Добрилка – 4то место – време 4:16 минути
Ана и Добрилка се членки на гевгелискиот атлетски клуб и со спортската умешност за својата возраст секогаш успеваат да освојат подиум, медал и пехар, како дома, така и во странство. Дома се веќе спортски ѕвезди.

ТРОЈНА ПОБЕДА на младите сили на АК „7 Ноември“ на детската трка во категорија родени 2014-2017 на спортскиот празничен натпревар во Гевгелија „November Run 2024“.
Тројцата мали освојувачи на трите подиуми се клубски членови на АК „7 Ноември“ од Гевгелија и посетители на школата за атлетика при овој клуб. Тоа се:
1. Томче Петков (2016) – ПРВО место – време 3:55 мин.
2. Јован Лазарески (2015) – ВТОРО место – 4:03 мин.
3. Даријан Јаневски (2016) – ТРЕТО место – 4:05 мин.
Осумгодишниот Томче Петков постигна невиден резултат – за 33 секунди му е зад пети на најголемиот победник во детската трка, 12 годишниот Антонио Каракабаков, за 1 секунда зад 13 годишните носителки на медал во женска конкуренција.
Ова е иднината на спортот и атлетиката во Гевгелија!

Најдобрите во детската трка на 1 км од спортскиот настан „November Run 2024“ во Гевгелија

1. Снежана Алексова – ПРВО место – 5:00

2. Оливија Рамаданова – ВТОРО место – 5:01

3. Мелани Вацев – ТРЕТО место – 5:19

Сите три освојувачки на подиумот се девојчиња родени 2018 година, на возраст од само 6 години.

Во машка конкуренција на детската трка најдобрите тројца се:

1. Матеј Каров – ПРВО место – 4:13

2. Костадин Семенаков – ВТОРО место – 4:16 и

3. Стефан Лешев – ТРЕТО место – 4:23

Сите освојувачи на подиум се родени 2018 година.

Меѓу 94-те учесници на трката беше и Ведран Бјелиш, најмалиот на трката за деца меѓу машките, инаку роден 2023 година и пристигна на целта со време од 12:55, 94-ти на ранг листата.

За носителите на пехари: Ова се вонредни таленти со вакви резултати на 6 годишна возраст. Со континуиран тренинг секако ќе слушаме за нови успеси на оваа млада екипа победници од Гевгелија.

Браво дечиња! Браво девојчиња!