Рустикален рецепт, познат од нашите стари предци, вкусно приготвено селско месо, на стар начин под вршник каде вкусовите се крчаат на едно место без да се изгуби ниту една есенција од артиклите приложени во ова јадење.
Мајсторијата на приготвување ни ја презентира во оригинален амбиент планинскиот готвач од гевгелија Џоко Ризов кој за дополнителен шмек го одбра воздухот и висините на чистата Кожуф планина кај Гевгелија и преубавото место Круша.
Артиклите за овој рецепт: свинско месо (колку ви милува душа на друштвото расположено за гурманско уживање), печурки, 2 пиперки, кромид, лук, морков, масло за јадење, бело вино за арома, зачини по вкус и малку вода.
Сето насецкано малку потпржено се става во тепсија која потоа се покрива со вршник, а на него одозгора се става врела жар, за јадењето да се крчка од двете страна и од огнот одоздола, и од жарта одозгора.
Јадењето во вака покриената тава ги впива сите вкусови од месото, артиклите приложени во него и стануваа заедно гурманска фешта која откако ќе се проба вреди да се раскажува, а и да се повтори додека времето е сончево, а Круша уште не е под снег.
Марифетлците на планинскиот мајстор на отворената кујна на Кожуф ќе ги видите во видеото во прилог ОВДЕ.
Вкусно и инспиративно. Алал да им е на нашите стари, знаеле да зготват убаво, па и да ги научат помладите да не се заборават гевгелиските рецепти. Браво за Џоко Ризов за леснотијата со која ги прави сите зафати и меракот кој го пренесува со своите видео прикази и на други, за да го испробат прастариот рецепт од нашите краишта.
