Повеќе десетици илјади луѓе се собраа на повик на студентите од белградските факултети да побараат исполнување на барањата да се дознаат деталите за несреќата во Нови Сад каде во падот на натстрешница во Нови Сад на почетокот на ноември загинаа 15 лица.
Студентскиот бунт во Србија, еден од најголемите во последните децении, започна со блокадата на Факултетот за драмски уметности во Белград, а потоа се прошири на повеќе од 50 факултети низ целата земја.
На протестот одржан на белградскиот плоштад „Славија“ им се придружија земјоделци, медицински работници, актери, уметници и жители на Белград и околните градови.
Директорот на Архивот на јавни собири на Србија, Александар Губаш, соопшти дека врз основа на достапните висински снимки направени вчера околу 17 часот, овој архив утврдил дека на протестот во Белград присуствувале околу 100.000 граѓани.
Од Архивот наведуваат дека тоа е најголем протест не само против актуелните власти, туку и најголем протест било кога одржан во Србија. На Славијата и во прилазните централни белградски улици се собрале повеќе луѓе отколку што се наоѓале околу Собранието во најкритичните моменти на 5. октомври 2000 година, велат од Архивот.
Вака се собираше народот низ улиците во Белград до Славија:
Секако, ова бил и најголемиот настан во историјата организиран од студентите во Србија, се истакнува во соопштението.
Покрај другите рекорди, првпат откако Архивот на јавни собири бележи различни видови на собирања, се случило дека е утврдена просечната густина на отворено да биде поголема од две лица на квадратен метар.
Ова е новинарски прилог за барањата на студентите од Србија на вчерашниот протест на Славија:
Ова се дел од пораките на лицата кои протестираа.
