Влатко Семенаков е активен атлетичар, по професија е дипломиран професор по спорт и здравје и како таков ја остарува својата професионална стручност во СОУ „Јосиф Јосифовски“ Гевгелија. Член е на Атлетскиот клуб „7 Ноември“ од Гевгелија, каде освен спортски учесник е и тренер на младите атлетски надежи на Гевгелија во „Школата за атлетика“.
Годината што измина тој беше најуспешниот гевгелиски учесник на ултимативната маратонска трка “Punk’s Backyard Ultra” која се одржа во ноември 2024 на тркачките стази во Негорските Бањи Гевгелија истрчувајќи 18 кругови секој долг точно 6.706 km, или вкупно 120 километри за 15 часа и 38 минути.
Никој до сега од гевгелиските атлетичари и од југот на Македонија нема истрчано толкава маратонска траса. Најблиску до резултатот на Семенаков е Дарко Прошевски со истрчани 12 кругови на ултимативната маратонска трка “Punk’s Backyard Ultra”, што е должина од 80,5 километри.
Влатко беше најуспешен гевгелиски атлетичар и на трката „November Run 2024“ што се одржа во Гевгелија, пристигнуајќи со 12-то време до целта, на трасата од 5.000 метри, која што ја истрча за 18 минути и 2 секунди, што е најдобро време од атлетичарите од Гевгелија, во севкупната македонска и меѓународна конкуренција. Следен на листата беше Насе Епов, но на 19-то место, а првите три места ги понесоа атлетичари од странство.
Влатко беше само 3 минути зад светската тркачка елита на патеката од 5 км на „November Run“, што е достигнување за почит.
Влатко Семенаков е успешен тренер и на спортските тимови во кошарка и ракомет во СОУ „Јосиф Јосифовски“. Годинава за зонските натпревари во конкуренција на средни училишта тимовите на ученици и ученички посебно во кошарка, посебно во ракомет освоија УБЕДЛИВО ПРВИ места. Своите противнички тимови ги декласираа на теренот, како вистински професионалци.
Влатко своите тренерски амбиции не ги заборава ниту дома. Неговиот најмал син на 6 годишна возраст Костадин Семенаков освои ВТОРО место на детската трка на „November Run 2024“ со време од 4:16 минути, на детската трка од 1 километар. Toa e голем напор за едно дете, а со правилен тренинг е победнички резултат што малиот Костадин го однесе на подиум каде високо го крена својот освоен пехар.
*********************************
Се’ на се’ Семенаков годинава имаше – Потполно успешна спортска година! Сумарните резултати го кажуваат селедново:
Реализирал 217 активни денови во спорт во текот на 2024 година (53% повеќе од 2023).
На сите трки кои учествувал, и домашни, и меѓународни истрчал вкупно 2.769 километри, што е за за 48% повеќе од минатата 2023 година.
Остарил вкупна елевација во текот на спортските настапи од 27.851 метар, што е точо 50% повеќе од лани.
Вкупното време кое го потрошил на тркачките стази изнесува 238 часови, а тоа е за 41% повеќе од 2024 година.
Ова се достигнувања за почит. Ако Вие не гласавте за спортистот на годината за 2024 за Гевгелија, бројките сами гласаа кој е прв меѓу првите.
Честитки за Влатко Семенаков и сето до сега постигнато!
Автор: Јованка Дојранлиева
