Традиционалното палење на коледарските огнови, како предвестие на Христовото раѓање, ќе се одржат и годинава на 5 јануари во Гевгелија и околните места.
По 32 пат, најавено е организирањето на Коледарскиот Хепенинг во Гевгелија, на познатата локација Ракометното игралиште со почеток во 18:00 часот, во организација на ЛК СДММ Гевгелија. Вообичаено е со палењето на големиот коледарски оган овде да продолжи дружењето со забавна програма, а да заврши со предвестието на големиот ден за рождеството Христово со голем огномет.
Во неделата на 5 јануари овој обичај на дружење покрај коледарските огнови ќе се организира и во с.Негорци. Од таму најавуваат дека Коледарскиот оган 2025 ќе се запали во Зеленишто маало, а граѓаните се покануваат на сенародна веселба.
Традицијата на Коледарски дружења покрај огновите запалени на отворен простор ќе се одвива и во општина Богданци. Настанот ќе се оддржи во Градскиот парк со почеток во 18:30 часот. Организатори на настанот се Лебопекара „ММ“ и „Солун 53“ Маркети.
Во забавниот дел од програмата учество ќе земат ученици од ООУ „Петар Мусев“ и СОУ „Богданци“ и локални музички изведувачи: Влатко Илјачев, Trio Forte (Здравко, Тарабан, Милош) и Општинско Здружение на Пензионери.
Во с.Ѓавото, богданско, бадниковиот хепенинг ќе се оддржи во Недела, со почеток во 18:00 часот
Во Понеделник, 06.01.2025 година, истиот настан во организација на Месната Заедница Стојаково ќе се оддржи во населено место Стојаково во Спортска Сала „Стефан Мандалов – Манданата“ со почеток во 18:30 часот.
Во низата населени места со организиран Колдарски оган се впишува и с.Селемли, богданско. Таму, во организација на Месната Заедница Селемли бадникарски оган ќе се пали и во Селемли со почеток во 18:30 часот.
И општина Дојран од југот на Македонија се приклонува на традицијата на Коледе. Здружението на жени „Дојрана“ во соработка со Општина Дојран најавува дека коледарскиот оган ќе се запали во 17 часот на градскиот пазар во Нов Дојран! Тие упатуваат покана за дружба до сите граѓани: „Повелете на топол пијалок и убава дружба!“
Коледе леде, ден на библиски плач, ден предвесник на доаѓањето на Исус Христос на свет, за век и навек!
Според македонските обичаи, на 5 јануари започнува славењето на Божиќните празници. Вечерта спроти Бадник првите коледари го палат коледарскиот огин и притоа се пејат песни, се игра и се пие топла ракија. За здравје, за живот!
