Гевгелиска фирма со почетоци од една алатничарска работилница, а со петдецениското постоење, веќе со години се реди меѓу првите македонски извозници со продор во Европа и светот – компанијата „Конти Хидропласт“.
Конти Хидропласт е извозно ориентирана македонска компанија, за производство на ПЕ (полиетиленски) и ПП (полипропиленски) црева и цевки. Конти Хидропласт е основана во 1975 година во Гевгелија, примарно како мала фабрика за производство на алати и елементи од лиена пластика.
По успешниот старт потпомогнати од искуството здобиено со успешно реализираните проекти на територијата на Република Македонија, денес компанијата е извозно ориентирана и 95% од своите производи ги пласира на меѓународните пазари. за производство на полиетиленски цевки.
На почетоците „Конти Хидропласт“ својот успех го бележаа со прераснување во производна фирма, наместо малата семејна работилница, што е нивна семејна гордост, која деновиве е и Македонска извозна гордост.
Кога се етаблираа на пазарот како производен бренд успехот го мереа со тоа што успеваа да се најдат во едицијата на 1000 најдобри фирми во Македонија.
Подоцна со растот на производството и извозниот продор во соседството рангот го изразуваа со својот престиж да се најдат во 100-те најуспешни фирми во Македонија според остварените годишни приходи.
Пет години по ред „Конти-Хидропласт“ се наоѓа меѓу ТОП-30 најголеми извозни компании од Македонија.
Вкупниот извоз на ТОП-30ката за 2023 година (овој податок е достапен, зошто финансиската 2024 година уште не е пресметана со официјално доставени Завршни сметки во УЈП) изнесува 5.260.263.433 Евра, а вкупниот остварен приход во 2023 година за 30-те најуспешни извозни компании изнесува 6.158.847.681 Евра,
На оваа престижна листа „Конти – Хидропласт“ се наоѓа на 22-рото место со реализиран извоз 43.475.506 Евра и вкупни приходи во 2023 година 52.367.832 евра. (Податоците ги објави порталот izvoz.mk).
Друштво на листата му прават „Алкалоид“ на 5-то место и ИГМ -ТРЕЈД на 8-то место, како компании со македонски капитал.
На листата се наоѓа и Дојран СТИЛ од с.Николиќ, Дојран од областа на металопреработувачката индустрија со реализиран извоз од 72.477.882 Евра, што е пораст од 53,5% во споредба со 2022 година. Но, ова фирма е со странски капитал, од Грција.
Извозниот бренд на „Конти-Хидропласт“ од Гевгелија под раководство на Борис Маџунков, е наследен бизнис од неговиот татко Димитар Маџунков, првиот производител во металската работилница, од 1975 година, па оваа семејна компанија освен извоз и девизни приходи за Македонија ја одржува и семејната грижа за околу 200 вработени во Компанијата.
Компанијата „Конти – Хидропласт“ веќе 25 години успешно ги применува практиките и стандардите за висок квалитет во своето производство ISO 9001. Tрендот на успех продолжува.
Гевгелиската фирма „Конти – Хидропласт“ е редовен саемски изложувач на меѓународни саемски манифестации каде ги изложува своите производи и производни новитети. Ова е видео од претставувањето на Саемот IFAT во Минхен, годинава.
Честитки за сето постигнато и за новото место на листата ТОП-30 најуспешни извозници од Македонија за 2023 година! Нека продолжи производниот бренд од Гевгелија, од Македонија, за Светот!
Автор: Јованка Дојранлиева
