Свети Јован Крстител – се смета за важен светец во христијанството, братучед на Исус Христос според Евангелието по Лука и човекот што го крстил во реката Јордан. Со оглед дека оваа главна улога на Свети Јован се остварила на денот на Богојавление (19 јануари), древната Црква денот по Богојавление (20 јануари) му го посветил на неговиот спомен.
Јован Крстител најверојатно имал голема улога во првите векови во христијанството, а според некои, тој дури имал и поголем број на верници. Денеска, во христијанството, Јован се смета за светец и маченик.
Својата проповед дека доаѓа Спасителот ја започнува на 30 годишна возраст. Тој често проповедал:
– „По мене иде Посилен од мене; пред Кого не сум достоен да се наведнам и да Му ги одврзам ремењата на Неговите обувки. Јас ве крстив во вода, а Тој ќе ве крсти во Светиот Дух“.
Празникот Свети Јован Крстител се прославува неколкупати во годината, но народот најмногу го празнува овој ден, 20 јануари по македонскиот православен црковен календар. Исто така, во православната црква се празнува и денот на отсекувањето на главата на Св. Јован Крстител (11 септември). Меѓу евангелските личности околу Исус Христос тој има посебно место:
– според начинот на доаѓањето во светот
– како Крстител на Месијата Исус Христос
– според улогата на Крстител на луѓето за покајание
-според трагичното заминување од овој живот со исекувањето на неговата глава.
Моштите на св. Јован Крстител се наоѓаат на неколку места низ светот, а во Македонија се присутни во Бигорскиот манастир, „Св. Јован Крстител“, (дел од дланка).
Во Гевгелиските цркви денеска се одржа Собор на Свети Јован Крстител со Празнична утрена и Света литургиј на која присуствуваа бројни верници.
Нека не’ чува светоста на овој ден и милоста за опрост од Светецот Јован! Нека е за на век денот на Свети Јован Крстителот Исусов!
