Во пресрет на празникот Богојавление, Водици Здружението на пензионери од Гевгелија додели подароци со прехранбени артикли на свои членови и семејства од социјален ризик.
Пакетите ги обезбеди ЗП Гевгелија, и самите членови ги посетија семејствата на кои пакетите продукти им беа донирани како празнична честитка.
Беа посетени членови на ЗП со ниски пензиски примања и семејства од ранливите категории како од Гевгелија, така и од населените места.
И донаторите, пензионерите од ЗП Гевгелија, и примателите се лица од третото животно доба, па се сеќаваат дека денот Богојавление во младоста го празнувале со празнични трпези наменети за семејни слави, имендени, домашни собирања. Во духот на традицијата, таква беше и намерата на Здружението на пензионерите од Гевгелија, да се помогне во подготвувањето на домашната трпеза за празниците.
Заедно со подарокот продукти од ЗП беа проследени и честитки за Новата Година, добро здравје, долговечност и радост на примателите пензионери со своето семејство и блиските.
Ваквата активност е пропишана во актите на Здружението на пензионерите Гевгелија, да водат грижа за своите членови, особено оние со ниски пензии, семејства со ниски семејни приходи и лица во социјален ризик.
Вредна и хумана акција! Нека се повторува секогаш за доброто на нашите граѓани!
