Во петок, 7 февруари, продолжува бојкотот на големите ланци на маркетите поради високите цени. Бојкотот со наслов „црн петок“ се организира преку социјалните мрежи.
Бојкот имаше и минатиот петок, а според податоците на Управата за јавни приходи (УЈП), прометот на маркетите за тој ден бил преполовен во однос на претходниот ден, исто така преполовен и во споредба со претходниот петок. Следниот ден во саботата прометот што го оствариле маркетите бил зголемен за 11%. Граѓаните пазареле, маркетите нешто надокнадиле од петочниот бојкот.
Паролата на првиот бојкот огранизиран од страна на граѓаните беше „Попусто попусти кога цените се исти“, кој според реакциите даде позитивен резултат. Бојкотот беше подржан и од политичките партии.
По јавната објава на прес конференција на Владата дека два бренда на маркети прифаќаат повисоки маржи од доставувачите и до 40%, граѓаните повикуваат на еднонеделен бојкот на овие два маркети, а во петокот на сите маркети.
Мотото на новиот бојкот за претстојниот петок е: „Црн петок за маркетите“.
Првично бојкотот за воздржување од купување од големите маркети беше поттикнат од Хрватска, а за кратко време се прошири речиси низ целиот регион, во Босна и Херцеговина, во Црна Гора, во Србија, а се придружија и граѓаните на Македонија.
