Денеска (02.03.2025) од страна на полициски службеници од БЈБ при МВР на наплатна рампа Сопот, велешко, при преглед на патничко возило “Поло” со гевгелиски регистарски ознаки, била пронајдена дрога.
Возилото било управувано од В.А. од Гевгелија и сопатник М.Ж. од Р. Хрватска.
Во багажникот од возилото биле пронајдени две торби во кои имало вкупно 40 пакувања со растителна материја.
Известен е јавен обвинител од ОЈО Велес и по целосно документирање на случајот ќе биде поднесена кривична пријава по член 215 од КЗ.
