Атлетската патека во паркот Чаир, во Ниш, Србија во неделата беше епицентар на себенадминувањата, на спортскиот елан и личните успеси, со атлетски собир на над 300 спортисти, во конкуренција маратон, полумаратон, трка на 5 километри и 4 х 5 км.
Најголемо изнанадување за сите на патеката од 5 километри во сенирска конкуренција беше девојчето Ана Бегова од Гевгелија, која има само 10 години, а оствари резултат за ПРВО место. Е, ова е вистински пример на себенадминување, како што се вика и самата трка „trka samoprevazilazenja“.
Ана патеката ја истрча за 25 минути и 32 секунди и зад себе ги остави атлетичарките со поголемо искуство, 39 годишната Слаѓана Дечемриќ како второпласирана и 24 годишната Теодора Јанковиќ како трето пласирана, инаку и двете искусни српски атлетичарки.
Нашата мала атлетска стрела од југот – Ана Бегова за својот успех од организаторот беше наградена со Диплома за освоено ПРВО место, со ЗЛАТЕН медал и Пехар за победник на трката од 5 километри.
Широкото раширеното клубско знаме на Атлетскиот клуб „7-ми Ноември“ од Гевгелија, чиј член е Ана само ја потврдуваат доминацијата на овој мал тркачки динамит, кој не прави „пардон“ додека ги претркува постарите и поискусни од себе. И, иако е мала по висина, прави доминација на подиумот со своите клубски бои.
Инаку, Гевгелискиот атлетски клуб на трките во Ниш беше застапен со тројца тркачи: Ана, нејзиниот тренер Тодор Анчев и Максим Ангов (12 годишен), член на „школата за атлетика“ при АК „7 Ноември“.
Максим Ангов трасата ја истрча за 22 минути и 08 секунди, а во конкуренција на сениори, машки учесници на трката, тоа беше доволно да го завземе 13-то место.
Во текот на секој метар од трката го следеше неговиот тренер Тодор Анчев, кој при крајот се одвои од својот ученик, го засили темпото и се пласираше на 6-тото место.
Ова е забележителен успех за атлетската екипа од Гевгелија и триумф на малата Ана во меѓународна атлетска конкуренција.
Честитки за постигнатите резултати на атлетичарите од Гевгелија!
Браво за Ана! Браво за Максим! Браво за посветениот тренер и ментор!
