Денес Негорци тагува, тагува и Гевгелија.
Почина човек планина, грамада од сила и снага, величина од човечност и праведност – Сашко Делевски 48 годишен жител на Негорци.
Сашко беше во служба во МВР-ОВР Гевгелија, загина вчера во сообраќајна несреќа на пат кон неговото Негорци додека ја возеше неговата „Хонда“. Зад себе го остави ужаленото семејство, сопруга и две ќерки.
Беше посветен и до крај професионален во својата работа, во служба на законот и безбедноста на граѓаните.
Денес роднините, пријателите, граѓаните упатуваат последни зборови на испраќање на несреќно настраданиот Сашко, преку социјалните мрежи.
Почина вчера на пат кон болница во возилото на Итната медицинска помош од Гевгелија. Не издржа ниту до болница, им подлегна на тешките повреди од сообраќајката со товарно возило. Јавен обвинител од Гевгелија го упати телото на обдукција. Затоа денес нема погреб, само тага и изрази на сочувство за големата загуба, за згаснатиот живот на Сашко.
Одлета со ангелите предвреме ти грамаден човеку!
Почивај во мир!
