Традицијата на испорачана цветна честитка за сите жени жителки на с.Богородица, гевгелиско испочитувана и на денешниот празничен ден – Денот на жената 8 Март.
Иницијатори и реализатори на ваквата убава честитка се членовите на ЗГ „Месна заедница Богородица“ кои обезбедија доволно голем цветен штанд со кој ги изненадија своите сограѓанки.
Убавата мисија членовите на МЗ Богородица не ја прескокнаа кога беа во прашање посетителки на нивното населено место, на овој празничен ден, така што со цвеќе и насмевка беа дочекани и денешните жени гостинки на Богородица.
За да верувате во нивната мисија и хумана порака дека жената треба да се почитува со внимание за својата улога во семејството, во општеството, направија и фото-докази дека насмевките и убавите шарени и миризливи честитки ги делеа цел ден на сите добронамерни жени кои денеска го посетија или поминуваа покрај нивното славно с.Богородица.
ЧЕСТИТ ПРАЗНИК ДАМИ! Со вакви домаќини како богорочани да ви биде расцветан животот од убавини во текот на целата година.
Сите комплименти за иницијаторите и организаторите на овој убав цветен гест по повод Меѓународниот ден на жената, 8 Март!
Фото: Томи Ризов
