Белата куќа објави соопштение за новите царини кон повеќе светски земји.
Како што може да се види во соопштението од Белата куќа, стоката увезена од Македонија во САД сега ќе подлежи на царина во износ од 33 отсто.
Трамп во својот говор изјави дека ќе воведе царини врз основа на принципот на пресметување на „тарифи за американски стоки, непарични пречки и сите начини на „мамење“ на другите земји, а според проценката на Белата куќа, Македонија има царина од 65 отсто за американските стоки.
На листата се и други земји од регионот. Така, стоката од Црна Гора која се увезува во САД сега ќе има царина од 10 отсто, а идентична давачка ќе биде воведена и за стоката од Косово.
LIBERATION DAY RECIPROCAL TARIFFS 🇺🇸 pic.twitter.com/ODckbUWKvO
— The White House (@WhiteHouse) April 2, 2025
Според оценката на тимот на Трамп, Србија воведува царина од 74 отсто за американска стока, па од полноќ ќе важи царина од 37 отсто за стоката од оваа земја што ја увезува САД, а за Босна И Херцеговина 35 отсто.
— The White House (@WhiteHouse) April 2, 2025
Македонија е во втората табела со опис: Царини од 65% за извезените производи од САД кон Македонија и новововедените царини од 33% за македонските производи увезени во САД
Трамп воведе царина од 34 отсто за стоки од Кина, 20 отсто за стоки од Европската унија, 46 отсто за стоки од Виетнам, 32 отсто за стоки од Тајван, 24 отсто за стоки од Јапонија, 26 отсто за стоки од Индија, 31 отсто за стоки од Швајцарија и 10 отсто за стоки од Велика Британија.
Европските лидери веќе се јавија со негодување, од типот „Трамп отвара нова трговска војна“, а реагираат и македонските извозници.
