Студентите во блокадата утрово со велосипеди тргнаа кон Стразбур, со цел да се обратат до Советот на Европа во врска со нивните барања и тоа што српските институции не одговараат на нив. Патувањето треба да трае околу 12 дена, а рутата е долга 1.300 километри.
Студентите ќе бидат придружувани од сообраќајната полиција, еден автомобил кој ќе биде пред нив и пејсмејкер – велосипедист кој го диктира темпото.
Многу странски и домашни медиуми ги испратија студентите.
Институциите до кои ќе се обратат студентите велосипедисти се Советот на Европа, Европската унија, Европскиот парламент и Европската комисија.
Голем број граѓани утринава подготвија испраќање за студентите кои ќе ја возат првата делница до Суботица, а потоа преку Будимпешта, Братислава, Виена, Линц и Улм планираат да пристигнат во Стразбур на 17 април.
Sve je spremno za put dug 1300 kilometara. Ispraćaj biciklista za Strazbur, u novosadskom kampusu. pic.twitter.com/YNdokVIFM3
— Čuvari/ke vatre (@CuvariVatre) April 3, 2025
Дијаспората ја поддржа иницијативата на српските студенти кои утрово заминаа за Стразбур, па во сите градови низ кои минуваат ќе се организира сместување во нивните куќи.
