Кочани не може да се соземе од болката по загубата на 59 млади лица настрадани во диискотеката „Пулс“ Денеска напладне со фотографии од загинатите, граѓаните со молчење, плач и трансапренти – Маршираа и побараа правда за нивините ангели…
Иако стотици граѓани излегоа на протестот, тишината уште еднаш завладеа во Кочани…
Семејствата на загинатите во пожарот во дискотеката „Пулс“ маршираа низ улиците…Носеа фотографии од нивните најблиски кои настрадаа, транспаренти „Марш за 59-те ангели“, но и натпис дека „Ова не е несреќа ова е убиство“.
Маршот започна точно во 12:05 часот…Учесниците предводени од семејствата поминаа покрај кафулето во градот, чиј сопственик е и сопственикот на дискотеката, а потоа пред зградата на Општината, полицискиот објект во градот, и зградата на судот во Кочани.
Таму, еден од родителите упати прашања до овие институции.
„Пред три независни институции поставувам три валидни прашања. Кој го уби мојот ангел, кој го уби мојот херој и кој го пеплоса тоа ангелско лице. Не само нејзиното, туку на сите деца“.
Инаку за трагедијата во кочанската дискотека осомничени се 33 лица, од кои 28 се во притвор, од нив седумина се полициски службеници, началници на СВР Штип и ОВР Кочани, како и градоначалникот на Општина Кочани, Љупчо Папазов кој пред три недели си даде оставка а истрагата се уште е во тек.
Вчера, од последиците на повредите почина и официјалниот сопственик на фирмата која стопанисувала со Пулс, Александар Карадакоски кој стана 60-та жртва на пожарот, а обвинителството ја прекина истражната постапка.
