Кирил Ѓоргов, кулинар од Богородица, вработен како Шеф на кујна во „Winner“ на ГП Богородица стана ВИЦЕШАМПИОН на меѓународниот натпревар по кулинарство „Бисер мора“ што се одржа изминатите два дена на островот Брач во Хрватска.
Кирил оваа награда ја освои во конкуренција од 430 натпреварувачи, искусни кулинари од Европа и светот. Вчера се пласираше во ТОП 5 кулинари на изборот, денеска стана ВИЦЕШАМПИОН.
Ете зошто жителите на Богородица се горди, велат кај нас во селото имаме најдобри готвачи, па потоа и најдобри возачи.
Кире им ја оправда славата на нивното место и гордоста на богорочани..
Сепак заслужни за учество на Кирил на престижниот натпревар се и од неговата компанија „Winner“ кои го овозможија учеството на Кире да ја докаже кулинарсата вештина пред своите колеги од светот.
За неговото залагање и успех истакнаа дека се особено горди нагласувајќи:
– „Неговата посветеност и кулинарски вештини не само што го истакнаа како врвен шеф, туку и ја потврдија нашата гордост во „Winner Slot Casino“. Од самиот почеток на отворањето на нашиот клуб на граничниот премин Богородица, Кирил успешно го води и менаџира нашиот ресторан, поставувајќи високи стандарди на квалитет и иновација.
Честитки уште еднаш, Кирил! Твојот успех е и наш успех! – истакнаа од компанијата за својот Вицешампион.
Инаку Кирил освои севкупно 4 медали на натпреварот во Брач. Во четвртокот тој освои три ЗЛАТНИ медали, за „Подготовка на риба“, за подготовка на „Ризото“ и „Десерт“, а во петокот освои и СРЕБРЕН медал“. Вчера најавивме дека ќе се натпреварува во категоријата „Black Box“ и дека Кире ќе атакува за Пехар.
Еве, желбите се остварија. Кире со Пехар за освоеното Второ место во севкупна конкуренција со освоен сребрен медал и ПЕХАР за позицијата ВИЦЕШАМПИОН во кулинарство.
Честитки Кире, докажа дека Гевгелија одсекогаш имала вредни мајстори за специјалитети и префинетост со кои ги привлекува гурманите и гостите за нови изненадувања!
ТРИ ЗЛАТНИ МЕДАЛИ за Шеф Кирил Ѓоргоски од „Winer“ ГП Богородица
