По објавата на веста за ЖРК „Гевгелија југ“ под наслов „Од клуб исфрлен поради местење натпревари до нов клуб со благослов од синот градоначалник“, на порталот „Антропол.мк“ на 11 април, денеска, со свој ДЕМАНТ се јави и управата на ЖРК „Гвгелија Југ“ за да ги негира наведените наоди, да ги заштити девојките ракометарки, во служба на спортот и ракометната историја на Гевгелија.
Во демантот се наведува следново:
- „ЖРК ГЕВГЕЛИЈА ЈУГ, се оградува во целост од секакви политички игри и паушални тврдења упатени на Наша адреса и остро ги ДЕМАНТИРА написите објавени на социјалните мрежи, портали и во некои медиуми, во кои стои СПОРЕН ТЕКСТ и ЛАЖНО ИНФОРМИРАЊЕ дека новоформираниот клуб ЖРК „Гевгелија ЈУГ“ е основан незаконски, без потребно одобрение од надлежен орган за употреба на назив Гевгелија (за кој се тврди дека е без архивски број и потребен штембил, а видно од истиот во лево горно ќоше содржи архивски број и печат од надлежен орган – Општина Гевгелија), без целокупната потребна документација за основање на здружението како и паушалното тврдење дека некој при основањето ја злоупотребил службената положба…
Ги замолуваме сите политички активисти од и во градот Гевгелија без разлика на боја и грб, да не се обидуваат да го нарушат нашиот углед и да го користат новоформираниот клуб „ЖРК ГЕВГЕЛИЈА ЈУГ“ за собирање на политички поени за некоректни цели и дека во иднина за сите вакви обиди за Наше деградирање ќе се поведат постапки пред надлежните органи во Македонија!!!
Должни сме на пошироката јавност да и објасниме дека ЖРК Гевгелија ЈУГ е субјект кој е формиран согласно важечките законски прописи на РСМ, а согласно Законот за здруженија и фондации потенцираме дека секој граѓанин во Македонија има право слободно да учествува, да биде член и да основа вакви СПОРТКИ ЗДРУЖЕНИЈА…
Имено, семејството Сарамандови нема никаква ингеренција над ЖРК Гевгелија ЈУГ, а по однос на името и членството во управен одбор на Герасим Сарамандов, истото беше исклучиво поради потребата од неговото 30-триесет годишно искуство и успешна работа во женски ракомет во Гевгелија како и поради негов кредибилитет во Ракометна федеравија на Македонија во тој период како директор на младинската репрезентација, ЖРК Гевгелија како клуб ги има постигнатo своите најголемите успеси . ЖРК Гевгелија беше успешен клуб, кој во минатото има создадено златни генерации и сметаме дека секој Градоначалник без разлика на политичка определеност и припадност во иднина безрезервно ќе ја подржува ракометната приказна во градот Гевгелија!
Следствено, укажуваме и гарантираме дека во иднина ќе очекуваме и заштита на девојките и клубот, и дека со сите правни механизми согласно законите во Македонија ќе се превземат сите потребни дејствија против секој кој ќе се обиде неосновано да го извалка ИМЕТО и ДРЕСОТ на ЖРК ГЕВГЕЛИЈА ЈУГ.
Клубот ЖРК ГЕВГЕЛИЈА ЈУГ, е наследник на ЖРК Гевгелија, со една единствена цел а тоа е да се вклучат младите генерации во спортскиот живот како и да се содаде една нова ракометна приказна во градот Гевгелија и враќање на ракометниот рејтинг кој ЖРК Гевгелија го има од далечната 1957 година!!! Воедно се повикуваат сите спортски работници и ентузијасти од градот Гевгелија, кои имаат верба во нашите млади девојки и во нашата идеја, да се приклучат и да допринесат во овој нов ракометен проект од причина што токму можеби помеѓу нашите девојки-ракометарки се крие нова ѕвезда која еден ден ќе го облече националниот дрес и ќе биде гордост на градот Гевгелија. Сметаме дека треба да им се даде шанса на овие млади девојки на кои неправедно им е одземено правото за натпреварување…
Приоритет на новоформираниот клуб ЖРК ГЕВГЕЛИЈА ЈУГ се Нашите млади деца, девојки, ракометарки, затоа во ниту еден случај нема да дозволуваме на каков било начин да се злоупотребуваат, особено од социјалните мрежи, портали и медиумите“ – се вели во денешниот демант на ЖРК „Гевгелија ЈУГ“.
