Претпразничната раздвиженост предвидена за радости и славења за млад жител од с.Миравци, гевгелиско заврши трагично.
Денеска (19.04.2025), рано утрото пред да биде разденето, околу 04 часот во ОВР Гевгелија, било пријавено дека на регионален пат с.Миравци- с.Давидово, патничко возило „БМВ“ со гевгелиски регистарски ознаки, управувано од Т.П.(19) од с.Миравци, гевгелиско, излетало надвор од коловозот.
На местото на настанот починал Т.П., а смрт констатирал лекар од Итната медицинска помош Гевгелија.
Извршен бил увид од јавен обвинител и увидна екипа од ОВР Гевгелија, а по наредба на јавен обвинител телото на починатиот е дадено на обдукција.
На социјалните мрежи роднини, пријатели, другари испраќаат пораки на неверба за загинатиот Томче, 19 годишник од Миравци.
„Почивај во мир. Помил си му бил на Бога што те зеде кај него денеска“ – е една од трогателните пораки за Томче.
