Македонија денеска одбележува 122 години од смртта на Ѓорѓи Николов Делчев, попознат како Гоце Делчев (Кукуш, 4 февруари 1872 – Баница, 4 мај 1903) — македонски национален херој, учесник во македонското револуционерно движење, деец на Македонската револуционерна организација, идеолог, организатор и водач на македонското револуционерно националноослободително движење кон крајот на XIX и почетокот на XX век.
На истиот ден пред 45 години, почина и доживотниот претседател на СФРЈ, Јосип Броз Тито.
Двајцата оставија длабок печат во македонската историја, како големи двигатели за остварување на македонскиот сон за самостојна суверена држава. Заминаа на ист ден 4 мај. првиот е убиен од турски аскер во Баница на пат кон Сер 1903 година, вториот во болница во Љубљана 1980 година по извршената ампутација на ногата.
Денешниот ден, 4 мај е значаен за сите нас и за нашата држава.
На 4 мај, но само во различни години загубивме два великана:
ГОЦЕ ДЕЛЧЕВ, (2.02.1872 – 4.05.1903) Македонец, револиционер и идеолог на македонското револуционерно движење, кој со своите напредни визии, целиот свој живот го посветил на националната борба за создавање на самостојна и независна македонска држава.
ЈОСИП БРОЗ ТИТО (25 мај 1892 – 4 мај 1980) – Борец, револуционер, идеолог и визионер кој направи многу за нашата држава. Благодарејќи на него најпрво нашата држава се стекнува со самостојност, а потоа и со рамноправност во заедничката држава со другите народи на поранешна Југославија.
Делата на Гоце Делчев и Јосип Броз Тито се нераскинлив дел од нашата историја, држава и сите нас.
Слава им !
