Десет членови на АК „7 Ноември“ Гевгелија и ученици во „Школата за атлетика“ денеска настапија на детската трка организирана во рамките на 6-тиот традиционален „Сараевскиот маратон“.
На настанот учествуваат атлетичари од 41 земја, а од Гевгелија настапуваат 10 мали атлетичари од 9 до 14 години и 10 сениори во своите атлетски категории.
На трасата денеска истрчаа децата атлетичари: Максим Ангов, Стојан Иванџиков, Петар Пајдаков, Горан Семенаков, Божидар Цицмиловиќ, Ана Бегова, Томче Петков, Мики Карамичев, Драги Итов и Филип Пајдаков.
Се трчаше траса од 300 метри за деца во категорија до 9 години, исто траса од 300 метри за деца во категорија до 12 години. Траса од 500 метри беше резервирана за деца до 14 години возраст.
Иако гевгелискиот тим пристигна само 2 часа пред настапот на трката, утрото во 7:30, а трката беше закажана со старт во 10:00 часот, нашите деца се снајдоа на трасата. Постигнати се овие резултати:
1. Стојан Иванџиков – ПРВО место- трка 500m до 14 год.
2. Драги Итов – ПРВО место- трка 300m деца до 12 год.
3. Томче Петков – ВТОРО место – 300m до 9 год.
4. Горан Семенаков – ТРЕТО место – 300m до 9 год.
5. Ана Бегова – ТРЕТО место – 300m до 12 год.
6. Божидар Цицмиловиќ – ЧЕТВРТО место – 300m до 12 год.
7. Максим Ангов – ЧЕТВРТО место – 500 m до 14 год.
8. Петар Пајдаков – ПЕТТО место – 500m до 14 год.
9. Филип Пајдаков – трка 300m до 12 год.
10. Мики Карамичев – трка 300m до 12 год.
Сениорите настапуваат утре на маратонската трка од 42 км, полумаратон од 21 км и меморијалната трка од 5 км.
На меморијалната трка на 5km “OSMAN JUNUZOVIĆ” ќе настапат осум гевгелиски атлетичари, тренерот и ментор Тоше Анчев со малите атлетичари од „Школата за атлетика“: Максим Ангов, Стојан Иванџиков, Петар Пајдаков, Томче Петков, Горан Семенаков, Божидар Цицмиловиќ и единственото девојче атлетичар од Гевгелија, Ана Бегова.
Честитки за денешните резултати!
Среќно за утрешната меморијална трка во Сараево!
