Вчерашниот ден и во текот на ноќта во Гевгелија наврнаа 24 литри дожд на 1 метар квадратен.
Најинтензивни беа врнежите во текот на денот со наврнат воден талог од 19 л/м2, а во текот на ноќта интензитетот на врнежите беше послаб и наврнаа 5 литри воден талог на 1м2.
Најмногу дожд наврна во Крушево 40,6 л/м2, во Охрид помалку 26 л/м2, Гевгелија 24 л/м2 за изминатите 24 часа.
Утрово ветрот во Гевгелија се погрижи да ги исуши улиците, а земјата ја држи влажноста за посевите на кои им е неопходна во овој период на буење на природата.
Од УХМР известуваат дека времето утре ќе започне со ведро утро и посвежо, преку денот сончево со мала до умерена облачност. Ќе дува слаб до умерен, наместа во западните делови повремено засилен ветер од западен правец.
ВРЕМЕТО ВО СЛЕДНИТЕ ДЕНОВИ: Следува период на топло време, до понеделник со пониски утрински температури, а дневните ќе бидат во пораст до 28 степени целзиусови. Во следната седмица во попладневните часови ќе има локална појава на нестабилност со пороен дожд и грмежи.
