Македонската атлетичарка Каролина Милицинска вчера на трката „ АXIOS“ во Грција на патеката од 10 километри освои ПРВО место.
Таа истрча најдобро нејзино време од 43 минути и 45 секунди, но тоа беше и најдобро време на патеката од 10 км во Аксиос во меѓународна конкуренција. Беше убедливо прва, побрза за цели 2 минути од носителката на Второто место. Истрчаното најдобро време на Каролина и’ го донесе највисокото место на победничкиот подиум, Медал и ПЕХАР за освоено ПРВО место, заедно со Диплома за учество на трката АXIOS 2025.
Каролина е од Струмица, но живее и работи подолго време во Скопје и член е на АК „Аеродром“, Од извесно време со неа тренира Тодор Анчев, професор по спорт, атлетичар и тренер во „Школата за атлетика“ при АК „7 Ноември“ Гевгелија, како и на индивидуални атлетски надежи.
Со негова помош, стручни насоки и заедничко трчање на трката во Грција Каролина го освои пиедесталот.
- „Чувството после победата е преубаво. Трката не беше лесна, ми беше малку напорно, но на крај се исплатеше. Следна трка на која ќе настапам е во Скопје на Зегин, на траса од 5 километри“ – изјави Каролина за GevgelijaNet.
На трката „Axios Running Festival“ настапија и тројца атлетичари од АК „7 Ноември“ Гевгелија:
– Тодор Анчев – на траса од 10 км со време од 43:45 мин;
– Васко Проданов – трка 5 км со време 25:41 минути, и
– Александра Крајчева – трка 5 км, со време од 33 минути.
Трката во Грција „Axios Running Festival“ е традиционален атлетски меѓународен настан и истата се одржува трета година по ред. Категории на натпревар се 5, 10 и 21 километар.
Македонско девојче им го зема пехарот на 10 км.
Браво Каролина!
