По долги подготовки, кондициони вежби и тренинг за спортска прецизност вчера 44 пензионери од Здружението на пензионери Гевгелија учествуваа на Регионалните спортски натпревари на пензионерите од Вардарскиот регион и докажаа дека трудот и спортската воља се исплати.
Пензионерите од Гевгелија освоија СЕДУМ ПОДИУМА: освоија едно ПРВО место, две ВТОРИ места и четири ТРЕТИ места.
Тие се натпреваруваа во дисциплините: Кош за жени и мажи, шутирање на мали голчиња, стрелаштво, пикадо за мажи и жени, шах, табла, домино (за обата пола) и трчање на 60 и 80 метри мажи.
Највисоката награда – Победничката ја освоија жените во дисциплината кошарка за жени.
Второ место освоија:
– дисциплина кошарка мажи, и
– дисциплина шах, жени.
Трето место постигнаа следните екипи од Гевгелија:
– Дисциплина домино мажи,
– дисциплина шах за мажи,
– трчање 60 метри, мажи, и
– трчање 80 метри мажи.
На натпреварите учествуваа осум здруженија на пензионери од регионот, од општините: Гевгелија, Богданци, Дојран, Валандово, Демир Капија, Неготино, Кавадарци и Велес.
Сите освојувачи на подиум добија признание од органозаторот, ЗП Велес кој беше и домаќин на спортскиот настан.
Гевгеличани не изненадија, зошто редовно се учесници и добитници на спортски признанија и минатите години, туку докажаа дека се здрави, витални, спортски активни и спремни за победи.
Им честитаме на победниците, добитниците на признанија и за радоста што им ја пружија на останатите да се радуваат на севкупниот спортски успех на гевгелиските пензионери.
