ЈОВАН ЈОВАНОВ од ООУ „Ристо Шуклев“ Негорци е ученик од IV одделение и на неодамна одржаниот Државен натпревар по природни науки освои најголем број бодови и стана ДРЖАВЕН ПРВАК по природни науки за својата генерација 4-то одделенци.
Јован освои 39 од максимални 45 бодови и тоа беше најголемиот број на освоени бодови од конкурентите од другите општински училишта во државата.
Со ова Јован само ги потврди своите стекнати награди како ПРВАК по природни науки на натпревар на Општинско ниво и титулата ПРВАК по природни науки на одржаниот Регионален натпревар помеѓу училишта од ЈИ регион.
Натпреварот се одржа во ПМФ во Скопје, на 18.05.2025 во конкуренција на 806 учесника, ученици-победници од основните училишта во Македонија.
Со последната победа Јован докажа дека не само што ја сака науката, туку и дека со своето знаење може да победува.
Тестот по природни науки за 4-то одделение вклучува знаења од сите 5 теми од предметот Природни науки:
– Физичко-географски карактеристики на Земјата;
– Особини на растенијата и животните и нивната поделба;
– Агрегатни состојби на материјата;
– Звук и
– Електрицитет и магнетизам.
Ментор е наставничката Елизабета Јанева.
Јован како 10 годишен ученик покажа највисоко знаење од сите области и на Општински, и на Регионален и на Државен натпревар по природни науки и со право го понесе епитетот ДРЖАВЕН ПРВАК во конкуренција на ученици од 4-то одд. од цела Македонија.
Браво Јоване!
