Неделава, на 25 мај, 11 членови на АК „7 Ноември“ од Гевгелија учествуваа на треил трка во Кукуш, Република Грција.
Достапни беа трки на повеќе дистанци и тоа на:
– траса од 20 километри со елевација од 780 метри +/-
– и траса од 5 километри со елевација од 180+/-
Најдобар резултат од гевгелиските атлетичари постигна Тодор Анчев кој освои ТРЕТО место на патеката од 4,9 километри, планинска трка, со време од 26:45 минути.
Инаку, Атлетскиот клуб „7 Ноември“ од Гевгелија по четврти пат учествува на оваа теил трка во Кукуш, поточно од своето формирање, секоја година членови на клубот се учесници на атлетскиот настан во Кукуш, родното место на македонскиот револуционер и учител Гоце Делчев.
Неделниот ден беше дожлив, па поради лошите временски услови и одрон на дел од патеката, трката на 20 километри беше изменета и интегрирана во патеката од 5 километри, со тоа што се трчаа 4 круга. Нашите учесници од Гевгелија ги постигна следните резултати:
Трка на 20 км:
– Прошевски Дарко – време 2:21:00
– Дучков Андон – време 2:23:11
– Панов Влатко – време 2:05:26
Трка на траса од 4.9 километри планински терен:
– Анчев Тодор – време 26:45 min и освоено трето место
– Коцевски Игор – време 35:42
– Ковачев Никола – 34:09
– Проданов Васко – 35:15
– Петровски Бојан – 30:43
– Петков Томче – 27:37
– Чучанов Ѓорге – 44:44
– Чучанов Марко – 44:41
Најмалиот учесник на трката од 4,9 км беше Петков Томче (9 год.) кој зад својот тренер од „Школата за атлетика“ при АК „7 Ноември“ Гевгелија, Тодор Анчев, заостануваше само 52 секунди. Атлетичар во подем под чии нозе ќе „паднaт“ многу освоени подиуми и медали.
Им честитаме на сите учесници за истрчаните трки и секако за медалоносецот од Кукуш, Грција – Тодор Анчев!
