Освоени два подиума – ПРВО и ВТОРО место во категоријата „Мастер 2“ од страна на гевгелиските спортисти, атлетичари, членови на АК „7 Ноември“ и „Гевгелија точак клуб“, – Влатко Семенаков и Дарко Прошевски на годинашното Државно Триатлон Првенство на Македонија што традиционално се одржува во Дојран.
ПРВОТО место го освои Влатко Семенаков со најдобро време постигнато во трите дисциплини од Триатлон Првенството на Македонија: пливање, возење велосипед и трчање.
Семенаков трасата од 800 метри пливање ја помина за 17:15 минути, трасата од 20 километри возење велосипед ја совлада за 39:03 минути, а последната делница од трчање на траса од 5 километри ја помина за 19:20 минути. Севкупното време на ТРИАТЛОН ПОБЕДНИКОТ на Македонија во категорија „Мастер 2“ е 1:18:55 час.
Подиумот за вицешампионот во „Мастер 2“ му припадна на Дарко Прошевски од Гевгелија. Тој трасата од 25,8 километри ја совлада за вкупно време од 1:28:43 час. Првата трка од 800 метри пливање ја совада за 18:24 мин, велосипедската трка од 20 км ја совлада за 43:00 минути, а 5те километри трка со трчање ја совлада за 24:06 минути. Подиумот за второто место на почесното доделување на медалите го завзеде Прошевски.
Еве како започна триатлон трката, со првата дисциплина „пливање“:
После пливањето следува траса од 20 км долж Дојран се’ до ГП „Дојран“ поради што сообраќајот претпладнево на главната сообраќајница во Дојран беше затворен. По завршувањето на трката со велосипеди, се оставаат истите и се продолжува брзинска атлетска трка.
Улиците и пешачката патека пред целта „Под Јаворите“ беа резервирани за триатлон натпреварувачите.
Победниците на првиот ден на НАЦИОНАЛНО ТРИТЛОН ПРВЕНСТВО – ДОЈРАН 2025, се следните учесници, најдобрите по категории:
🏆 Апсолутна категорија – Жени
🥇 Anastasia Peycheva
Сениорки:
🥇 Бојана Ѓорѓиеска – Триоги Скопје
🥈 Магдалена Станковска – Триоги Скопје
🥉 Блерта Хани – 3 Дисциплини Струга
Сениори:
🥇 Стефан Делев и 🥇во апсолутна категорија – Софка Скопје
🥈 Иван Трпчевски – Триоги Скопје
🥉 Никола Кутаноски – 3 Дисциплини Струга
Јуниорки:
🥇 Бела Жунгулова – Софка Скопје
🥈 Олса Орани – 3 Дисциплини Струга
Јуниори:
🥇 Сергеј Малјановски Арнаудовски – Триоги Скопје
🥈 Јосиф Малински – Триоги Скопје
🥉 Бобан Јаневски – Софка Скопје
Кадетки:
🥇 Бистра Груевска – Триоги Скопје
🥈 Калина Ѓорѓијевска – Триоги Скопје
🥉 Тија Кукунешоска – 3 Дисциплини Струга
Кадети:
🥇 Марио Брезовски – Триоги Скопје
🥈 Даријан Калеников – Триоги Скопје
🥉 Андреј Лозаноски – Триоги Скопје
Мастер 1 (мажи):
🥇 Гоце Ѓорѓијески – Триоги Скопје
🥈 Филип Најдовски – Софка Скопје
🥉 Дарко Матевски
Мастер 2 (мажи):
🥇 Влатко Семенаков
🥈 Дарко Прошевски
Мастер 3 (мажи):
🥇 Блаже Цоневски – Софка Скопје
🥈 Димче Клинчаров – Софка Скопје
Утре следуваат трките за категориите Деца 1 и Деца 2, како и штафетите – вистински празник на спортот, во топлиот Дојран. Викенд посетителите во Дојран можат да ги проследат трките и да ги запознаат новите шампиони!
Oрганизатори на спортскиот настан е Триатлон Федерацијата на Северна Македонија и општина Дојран како домаќин и организатор. Помагател е Министерство за спорт на Северна Македонија. Местото на стартната позиција е од Центарот на Дојран, „Под Јаворот“ – главен плоштад позади Општината.
Им честитаме на сите натпреварувачи за вложениот труд, храброст и спортски дух.
