Ученикот Леонид Дуклевски од. VIII одделение од ООУ „Крсте Мисирков“ Гевгелија освои ВТОРА НАГРАДА на Државниот натпревар по физика.
Тој освои 83 бода и е 5-ти носител на Вицешампионската титула по физика за основци во конкуренција од 47 ученици од негова возраст од основните училишта во Македонија. Леонид беше единствен претставник на Државниот натпревар од основните училишта од Гевгелија и регионот и со тоа е најдобриот познавач на предметот физика во регионот и Вицешампион за Македонија.
Натпрeварот се одржа на 7 јуни годинава во просториите на Природно-математички факултет Скопје, во организација на ПМФ.
Освен големиот успех на Леонид, од училиштето ООУ „Крсте Мисирков“ се истакнаа и други двајца ученици – учество зедоа IX одделенците Илија Пандев и Кристијан Кавазов и тие имаа исто така успешно учество.
Ментор на сите тројца ученици е наставничката Билјана Иванова која е задоволна од нивното покажано знаење по физика.
На 48. Државен натпревар по физика за учениците од основните училишта учествуваше и ученикот Давид Самарџиев од IX одд. од ООУ „Ристо Шуклев“ од Негорци. Тој освои 54 бода и се здоби со Пофалница од натпреварот за покажаното знаење.
Ученикот Самарџиев работеше под менторство на наставникот Магдалена Џотова, вработена во истото училиште.
На годинашниот Државeн натпревар по физика за основни училишта учествуваше и ученичка од општина Богданци, која покажа солидно знаење. Тоа беше IX одделенката Силвана Карагошева од ООУ „Кирил и Методиј“ Стојаково која освои 55 бода и доби Пофалница од организаторот на натпреварот. Силвана за настапот на Државниот натпревар по физика работеше под менторство на наставничката Магдалена Џотова.
Честитки за вредните ученици и за постигнатиот успех!
