Малата Тина Упчева е 10 годишна каратистка, член на Карате клуб „Дојран“ од Дојран и носител на 4-то место од Балканскиот Карате Шампионат што се одржа годинава во Црна Гора од 30 мај до 1 јуни.
Тина влезе во ТОП 5 девојчиња каратистки во категоријата U-10.
Носителка на првото место е девојче од Црна Гора, па следуваТурција и Србија, а по нив следува Тина. Важно е да се напомене дека во текот на борбата за трето место на Тина и беше одземен бод неправедно со што таа судијски го изгуби мечот, во некоректна одлука на судиите, а на душекот за борба беше неприкосновено добра. Но, тоа е спортот, знае да носи радости и нефер судијски одлуки.
Пред да настапи на Балканскиот Шампионат 2025 во Бар, Црна Гора Тина учествуваше на 8 други државни и меѓународни турнири од почетокот на натпреварувачката сезона за 2025 година. Од сите нив е носител на медал за ПРВО место во својата категорија „кумите“ U-10. Но, таа настапуваше и во други дисциплини и е носителка на повеќе од 8 медали златни и неколку сребрени за освоено второ место.
Интересно е да се напомене дека Тина во категоријата „кумите“ -30 кг, U-10 се натпреваруваше со девојчиња поголеми од неа, бидејќи имаше 9 години и само 25 килограми тежина. Но, во карате борбата освен телесната снага, важна е и совладаната техника за борба. Така Tина како 9 годишна ги освои 8-те Златни медали, и на 12 мај наполни 10 години, а на 1 јуни стана носителка на титулата каратистка во ТОП 5 на Балканот.
– „Тина реално беше подобра во борбата за трето место на Балканскиот Шампионат. По мојата реакција за одземениот бод на Тина во текот на борбата, како тренер и помошник селектор на Македонската младинска репрезентација во карате бев отстранета од теренот, како казна за реакцијата, па Тина мораше финалето од борбата да го одработи сама на теренот. Жалам, што подари ограничени финансиски можности не можевме да приложиме официјална жалба за неправдата од судиите, која требаше присмено да се приложи со уплата од 200 евра за Приговорот. Останавме со горкото искуство за судијската неправда и освоеното 4-то место за Тина и титулата – каратистка во „ТОП 5“ на Балканот“ – вели за настапот на Тина на Балканскиот Шампионат во ЦГ нејзината тренерка Лилјана Упчева, и самата некогаше десеткратен шампион на Македонија во карате.
Малата Тина ужива во спортот, во омилената дисциплина „кумите“, тренира редовно во КК „Дојран“ од неговото формирање пред три години, од своја 6 годишна возраст. Настапуваше со своето крхко но жилаво за борба тело на многу државни и меѓународни натпревари и секогаш се враѓаше дома со медал. Нејзинот талент го забележаа и други меѓународни стручњаци, па доби покана да тренира во Грција. Од декември минатата година Тина, тренира и во грчкиот карате клуб „Olimpios Maxitis“.
ТИНА – спортска првенка по освоени медали во Дојран, Носител на ПРВО место на Државното Карате првенство на Македонија, ТОП 5 каратистка на Балканот во U-10. Девојче за кое уште ќе слушаме, и уште ќе пишуваме, зошто таа научила да победува и да напредува!
Да и’ посакаме уште успеси – Напред Тина!
