Околу 2.000 луѓе во Израел останаа без покрив над главата, барем привремено, по ракетните напади на Иран врз централниот дел од земјата и врз северниот град Хаифа, покажуваат официјалните податоци.
По нападите вчера изутрина, во градот Петах Тиква загинаа 4 лица при напад врз станбена зграда, а околу 1.300 лица од 400 семејства беа принудени да се евакуираат.
Околу 300 луѓе во Тел Авив останаа без домови откако ракетите погодија 2 дела на градот, предизвикувајќи голема материјална штета, објави Тајмс оф Израел.
Вака изгледаше ноќниот раќетен напад од Иран врз Израел на небото:
#breaking #BREAKING
Check this new massive attack by Iran. Also, listen to the sounds of the people of Gaza (MashaAllah) #IranIsrael #IranVsIsrael #Iran pic.twitter.com/EMkceIBBBC— kabir قريشي ⚠️ (@kabir_quraishi) June 16, 2025
Стотици жители беа евакуирани и од Бнеј Брак, каде што ракета погоди училиште во станбен кварт, при што беше предизвикана значителна штета, а загина едно лице.
Градските власти во Тел Авив соопштија дека погодените биле сместени во хотели, додека во Хаифа се евакуирани 60 лица поради штети на нивните домови.
Сличен број лица морале да ги напуштат домовите во Рамат Ган, Бат Јам, Тамра, во Реховот и на други места како резултат на иранските напади во саботата и во неделата.
