Тешка ноќ за пожарниарите од регионот, на терен се ТППЕ Валандово, ТППЕ Гевгелија, Струмица, Радовиш, ДППД Дојран, се уште се натерен, огнот не ги остава будни, загрозени се имотот, домаќинствата
Од 13:45 часот во атарот на селото Грчиште, Валандовско е активен пожар кој веќе девет часа ги ангажира противпожарните сили од регионот. На терен најпрво беа пожарникарите од ТППЕ Валандово, на помош пристигнаа од ТППЕ Гевгелија, се придружија и територијалните противпожарни единици на Струмица, Радовиш, Доброволното противпожарно друштво од Дојран. Попладнето околу 18 часот беше побарана интервенција на хеликоптер од МВР кој направи неколку прелети истурајќи воден товар над пожарот.
Акцијата на хеликоптерот можеше да трае до зајдисонце, а потоа се повлече. Резултатот: пожарот ослабнат, ама уште е активен. Вечерва со помош на ветрот продолжува да ги голта сувите појаси во правец на Ѓавото. Сега, императив е да се спасува имотот на тамошните жители.
Во текот на денот пожарот кај Грчиште најпрво изгоре сува трева и ниски грмушки, но помогнат од ветрот огнот стаса пред првите домаќинства во селото. Вака изгледаше на почетокот на огнената стихија:
Силниот ветер присутен на теренот ја отежнуваше работата на пожарникарите, а исто така го разгоруваше огнот и ширеше во правец на север, североисток. Ваква беше глетката која поради густиот чад веста за пожарот кој беснее на левата страна на Вардар ја здогледаа и самите гевгеличани.
Овде гореше сува трева и ниски грмушки, но помогнати од ветрот огнот стаса пред првите домаќинства во селото. Стопан од Грчиште со очај и плач во гласот го тажеше својот имот. Молеше спас од Господ.
Oва беше драматичен ден во Валандовско, пожарот сериозно му се закануваше на селото Грчиште, нема повредени граѓани, нема запалени куќи, селото Грчиште е спасено од огнот. Благодарност до сите искажаа граѓаните на валандовско на социјалните мрежи.
Немирна ноќ и за жителите на Ѓавото. Немирна ноќ и за припадниците на ТППЕ од регионалните единици. Да имате сила да се справите со огнот!
