Македонскиот претставник во „Ѕвездите на Гранд“, 25 годишниот Никола Станишиќ од Скопје е победник на регионалното натпреварување „Ѕвездие на Гранд“. Никола победи со 138.714.000 гласови, а на крај ја запеа „Бисер балкански“ и со македонско знаме ги натера сите да пеат!
Никола скоро во целиот тек на натреварувањето пееше македонски песни, а во третиот круг од финалето настапи маичка со амблем од „Македонија тагува“ и „ Од срце за Кочани“ и го испеа хитот на Д.Н.К. „Ако утре ме нема“. Овој емотивен настап на Никола ја расплака цела Македонија, а тој на крајот од настапот го соблече палтото, ја стави раката на срце и им се поклони на жртвите од несреќата во Кочани.
Признанието и победничката статуа на популарното музичко шоу му ги додели Сузана Јовановиќ, вдовицата и доживотна придружничка на Саша Поповиќ, а оваа година беше воведена и посебна награда – плакета со името на Саша Поповиќ во спомен на ликот и делото на човекот кој ја создаде најголемата музичка империја на Балканот и ја основа „Звездите на Гранд“.
Покрај признание и статуа, тој беше награден и со автомобил „Фиат“, како и комплетен маркетинг што ќе му помогне во понатамошната кариера.
– Им благодарам на мојата Македонија и на мојот ментор – рече победникот на осумнаесеттата сезона на „Звездите на Гранд“.
Никола како натпреварувач на Балканското шоу работеше под менторство на Цеца Ражњатовиќ на која и’ е благодарен за успехот.
Никола на натпреварувачкото музичко шоу настапуваше со македонски песни, а публиката ја воодушеви со своите изведби со тапани, млад а така фолклорно внесен во македонските корени. Тој и на финалето испеа песна од македонскиот изворен фолклор и ги освои срцата на публиката кои гласаа во милионски брј за негова победа.
