СВР Струмица поднесе кривична пријава против Т.П.(34) од с.Миравци, гевгелиско, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурзори“.
На 28.01.2025 во Казнено поправната установа Затвор Гевгелија, затворската полиција извршиле претрес во просторија во установата, при што се пронајдени и одземени марихуана, дигитална вага и мобилен телефон во сопственост на пријавениот Т.П.
Од МВР не соопштуваат дали лицето Т.П. бил затвореник во Затвор Гевгелија и по кој основ. Во секој случај се здобил со Кривична пријава за кривично дело кое е казниво по член 215 од КЗ по кој му се запретува казна затвор.
