Млад возач од Гевгелија со возило ,,Мицубиши“ удрил во малолетен пешак, а потоа и во паркирано „БМВ“, завршил со тешки телесни повреди на улицата „Моински пат“ во Гевгелија.
ОВР Гевгелија јавува дека на 05.08.2025 во 13:10 часот во Полициската станица во Гевгелија било пријавено дека на ул.„Моински Пат“ во Гевгелија, патничко возило „Мицубиши“ со гевгелиски регистарски ознаки, управувано од А.С.(20) од Гевгелија, удрило во 11-годишен пешак од Гевгелија, а потоа и во паркирано патничко возило „БМВ“ со струмички регистарски ознаки.
Во несреќата со тешки телесни повреди се здобил возачот А.С.(20), додека со телесни повреди малолетникот, констатирани во Медицински центар Гевгелија.
Извршен бил увид од увидна екипа на ОВР Гевгелија.
