Најмалиот маратонец (на своја 12 годишна возраст) и првиот Ironman од Македонија, херојот од Охрид, 19 годишниот Марко Пејчиновски уште еднаш го преплива езерото и испиша историја, но овој пат со триатлон, во дисциплините трчање, возење велосипед и пливање.
Марко Пејчиновски (19 год.), младиот охриѓанец познат по својата неверојатна истрајност и спортски дух, повторно го преплива Охридското Езеро на 28 август 2025 година, односно успешно реализира триатлон, во должина од вкупно 107 километри. Tрчаше од Свети Наум до Струга, возеше велосипед од Струга до Свети Наум, а подвигот го заврши со пливање до Охрид.
За да ја заврши оваа мисија, му беа потребни:
– 7 часа и 47 минути трчање (Св.Наум до Струга – 42.2 километри)
– 2 часа и 33 минути возење велосипед (Струга до Св.Наум – 42.2 километри)
– 9 часа и 29 минути пливање (Св.Наум до Охрид – 22.4 километри)
Ден пред почетокот на маратонот Марко се поклони пред иконата на Богородица, за да го најави својот спортски подвиг на денот на Успение на Пресвета Богородица:
– „ГОСПОДЕ, како и во минатото и денес велам:”Нека биде ВОЛЈАТА твоја!” Спремен за ГОЛЕМИОТ подвиг – за модифициран Ironman триатлон и 107 км“ – го објави почетокот на свoјот подвиг момчето Марко на социјалните мрежи.
Овој подвиг не е негов прв — уште на 12-годишна возраст, Марко стана најмладиот маратонец што ја испливал истата 30-километарска рута. И покрај физички предизвици, вклучително и некроза на ногата во претходни пливања, тој останува симбол на упорност и инспирација за многумина.
Eве го пристигнувањето на Марко на брегот во Охрид со кренати раце за ПОБЕДА!
