Атлетичарот од Гевгелија Влатко Семенаков денеска настапи на трка од 800 метри на Балканското Првенство во Вараждин, Хрватска и оствари личен рекорд од 02.17.36 минути, што беше доволно за ВТОРО место во категоријата мажи М40+.
Влатко го освои подиумот за второ место, а пред него беше Бледар Меси од Албанија.
Ова е „Страшен резултат во 42-та година од животот со само 8 месеци сериозно занимавање во атлетиката под МС коуч палка“ – вели неговиот личен тренер Игор МЦ Јакимовски.
Тренерот Јакимовски вели за Влатко дека ова е негово „Деби учество и деби трка на БП за ветерани и веднаш сребрен медал за нашиот профа од Македонија. Неверојатно и огромно браво“ – изјави Јакимовски и сподели видео од трката на 800 метри.
На атлетската патека истрчаа двете ветерански категории заедно и тој што позира на победничкиот резултат е бугарскиот атлетичар Петков Димитар со 2:00:92 во категоријата – М35.
Честитки за македонскиот медалист, професорот Влатко од Гевгелија!
