По 11 дневната турнеа во Италија (од 5-16 август), и одушевената публика во Италија, членовите на ЗКУД „НЕГОРЦИ“ од Негорци не застануват со своите активности и настапи. Во август, следуваше гостување во Јосифово, со целовечерен концерт заедно со домаќините КУД „Младост“, oдржан на ден Голема Богородица, (28.08.2024г.), по повод нивната селска слава.
Во септември продолжија со активностите и настапите, повторно учествувајќи на Меѓународниот фолклорен фестивал „Истибањско здравоживо“ кое се одржува традиционално по 39-пат во с.Истибања, Виничко.
На синоќешната завршна вечер имаа свој концертен настап со кореографијата „Копачија“ во изведба на ансамблот „Негорци“ со играорците облечени во оригинални носии и придружните инструменталисти.
Оваа година на 39 тиот Меѓународен Фолклорен Фестивал „Истибањско здравоживо“ од 06-12 септември настапија 12 ансамбли од 4 континенти: Азија, Африка, Јужна Америка и Европа. од следните држави: Чешка Република, Украина, Мексико, Косово, Бугарија, Сенегал, Србија, Казахстан и Македонија.
КУД „Негорци“ се стекна со Диплома за учество и ообен придонес во негувањето на изворниот македонски фолклор.
Културата и традицијата се нашиот македонски код на идентификација, а фолклористите од КУД „Негорци“ сесрдно, доброволно и посветено го негуваат и чуваат за незаборав.
