Утрово учениците на новосадската гимназија „Јован Јовановиќ Змај“ започнаа блокада, соочувајќи се директно со директорот Радивоје П. Стојковиќ. Тие бараат јавно извинување од него за учениците и професорите, како и повлекување на неговото контроверзно извинување до српскиот премиер Милош Вучевиќ.
Во драматична сцена, учениците го спречија директорот да влезе во училиштето. Стојковиќ беше виден како клечи пред вратата, гледајќи во земјата, а според снимките, дури се и молел. Претходно, директорот бил исфрлен и од училишниот двор, каде што стоел заедно со еден свештеник.
08.25h Direktor jovine gimnazije Radivoje vec sat vremena kleci od kako su ucenici gimnazije stupili u blokadu (sve ih vise) ..dosao mu i popa.. pic.twitter.com/yWt4Qw8pWn
— zarko bogosavljevic (@zarkobns) December 16, 2024
Контроверзијата започна кога директорот упати јавно извинување до премиерот Вучевиќ, чиј син учи во гимназијата, поради тоа што учениците излегле на 15 минути во знак на почит кон жртвите од трагедијата во Нови Сад. Во соопштението потпишано од директорот, гимназијата се извинила за „злоупотреба на учениците и нивните родители“.
Средношколците бараат директорот да го повлече извинувањето до премиерот, да им се извини на учениците и професорите, и да дозволи секој петок учениците да излегуваат по 15 минути во чест на жртвите, без никакви последици.
Трагедијата во Нови Сад при паѓањето на кровот на Железничката станица одзеде 14 животи меѓу кои и на еден македонски граѓанин.
Настаните пред гимназијата се сигнал за сериозен конфликт меѓу учениците, раководството и политичкиот контекст што ги зафати. Директорот, кој сега стои на удар од јавноста, останува без одговор на барањата на учениците.
