Впечатоците за организираноста на ден Водосвет за Богојавление во општина гевгелија со населените места и посветеноста на доброволните граѓани да ги посетат осветените води на овој голем ден во Христијанската религија не завршуваат.
Дојдовме до еден куриозитет дека НАЈМАЛИОТ доброволец кој се впуштил во осветените води во Серменинска река над с.Негорци е 8 годишниот Ѓорге Костадиновски. Тој е ученик од трето одделение и во ладните планински води на Серменинска река влезе по Светиот крст заедно со уште 16 млади момчиња.
Сепак, возраста, корпулентноста и искуството придонесоа најбрз и најсреќен во потрагата по потопениот Чесен крст да биде Лазаров Каме (25 год.) од Негорци. Тој доби икона од црквата во Негорци со која заедно со осветениот крст ќе ги посети сите домови во Негорци и ќе им однесе на жителите благослов за здравје, среќа, мир, благодет и бериќет во секој дом.
А Ѓорги ги доби сите честитки од публиката која го следеше Светиот чин на Водосвет, за храброста и желбата да се вклучи во оваа света традиција кај нас во Гевгелија, и во Македонија, и да биде еден од храбрите кои на овој ден имаат свој продонес во традицијата која опстојува со векови.
Честитки и од нас, па со желба и посветеност, некогаш ќе му се посреќи и ќе стане носител на Светиот крст на ден Богојавление-Водици.
ЧЕСТИТКИ за Каме – носителот на Светиот крст во Негорци!
ЧЕСТИТКИ за храброста и СРЕЌА за следниот обид на Ѓорги!
