СВР Струмица поднесе кривична пријава против В.П.(43) од Р.Србија, со привремено престојувалиште во Гевгелија и правно лице од Гевгелија, поради постоење основано сомнение за сторени кривични дела казниви по член 95-в став 2 во врска со став 1 и член 95-в став 1 од Законот за опојни дроги и психотропни супстанци.
Имено, пријавениот В.П. на 15.02.2023 не постапил согласно член 29-г од Законот за контрола на опојни дроги и психотропни супстанци. Тој не ја евидентирал состојбата на производството на растението канабис. Тој бил законски должен, а всушност не ги евидентирал и пријавил до Министерството за здравство и Министерството за земјоделство, шумарство и водостопанство сите настанати промени и отстапувања во одгледувањето на канабисот, кои биле претходно планирани во елаборатот.
Секоја настаната промена во одгледувањето на канабисот треба да се пријави во адресираните институции во рок од три дена од денот на настанокот на промената и отстапувањето.
Казнените одредби од Законот за контрола на опојни дроги и психотропни супстанци велат дека на правното лице му се запретува парична казна, а на одговорното (физичко) лице, сторител на казнивото дело, му се запретува казна затвор од шест месеци до три години
